Vinnustofur - Ferlagreining - Teymisefling - Stefnumótun - Verkefnastjórnun - Fundarstjórnun
Umbótamenning
Við notum aðferðafræði Lean til að skapa frjóan jarðveg fyrir umbótamenningu í fyrirtækjum. Við veitum ráðgjöf ásamt því að bjóða upp á fjölbreytta fræðslu fyrir starfsmenn og leiðtoga. Við innleiðum reglubundna teymisfundi og setjum upp verkefna- og umbótatöflur með teymum. Jafnframt skipuleggjum við umbótavinnustofur og vinnudaga í endurskipulagningu vinnusvæða með aðferðum 5S.
Ferlagreining
Vinnustofur eru góð leið til að virkja umbótahugmyndir starfsmanna, en þær eru fjársjóður sem oft er vannýttur innan fyrirtækja. Á ferlavinnustofum er áhersla lögð á að einfalda og bæta tiltekið ferli, til þess eru notaðar aðferðir sem miða að því að skila miklum ávinningi á skilvirkan máta. Vinnustofur eru öflugur vettvangur þegar skilgreina skal áskoranir og tækifæri vegna breyttra aðstæðna, nýrra verkefna og einnig þegar útbúin eru ný ferli. Þjónusta Gemba felur í sér að undirbúa og stýra vinnustofum ásamt eftirfylgni.
Fundarstjórnun og Sérsniðnar vinnustofur
Tökum að okkur að stýra fundum og vinnustofum sem sniðnar eru að markmiðum viðskiptavina. Tryggjum að hvort sem um er að ræða fundi eða vinnustofur þá komi allir út sáttir með afrakstur vinnunnar. Þjónustan felur í sér að skilgreina markmið, afurðir og fyrirkomulag vinnunnar ásamt úrvinnslu afurða eftir vinnustofu.
Stefnumótun
Fyrirtæki í fremstu röð eiga það sameiginlegt að hafa markað sér skýra sýn og stefnu fyrir framtíðina. Stefnumótun er tækifæri til að skerpa fókus og byggja undir metnað og stolt starfsmanna við að sinna vinnunni sinni. Skýrt merki um að innleiðing stefnu sé áhrifarík er þegar hver og einn starfsmaður tengir sitt starf og vinnuframlag við stefnu og gildi fyrirtækisins. Við notum einfaldar og skilvirkar aðferðir til að vinna þétt með starfsfólki að því að móta eða endurskoða stefnu fyrirtækja.
Framúrskarandi teymi
Ekki öll teymi eru framúrskarandi þó mörg séu góð. Til að verða framúrskarandi þarf að taka ákvörðun um að breyta með markvissum hætti samskiptaháttum og vinnuaðferðum stjórnenda sem og starfsmanna. Teymi þurfa að hafa skilning á því hvers vegna traust og samábyrgð getur skipt sköpum varðandi árangur. Við aðstoðum stjórnendur við að innleiða verklag til að byggja upp framúrskarandi teymi.
stjórnandi að láni
Vantar þig reyndan stjórnanda í tímabundið starf ? Starfsmenn Gemba búa yfir mikilli stjórnendareynslu og geta komið að tímabundnum verkefnum og í afleysingar innan fyrirtækja.
VERKEFNASTJÓRnun
Starfsmenn Gemba búa yfir víðtækri reynslu á sviði verkefnastjórnunar framkvæmdaverkefna, umbótaverkefna og stefnuverkefna. Við höfum að leiðarljósi að stýra verkefnum á skilvirkan máta með það að markmiði að uppfylla kröfur um gæði, kostnað og afhendingu.